Rusiyanın Tver vilayətinin Rjev şəhərində azyaşlı intim şəkilləri ilə şantaj edilib.

Lent.az yerli mediaya istinadla bildirir ki, Rjev sakini polisə ərizə ilə müraciət edərək naməlum şəxslərin onun oğlundan pul tələb etdiyini bildirib. Məlum olub ki, 16 yaşlı yeniyetmə qızla il yarım yazışsa da, onunla heç vaxt görüşməyib.

Söhbət əsnasında qız oğlan şagirddən intim fotolar göndərməsini istəyib. Şəkilləri aldıqdan sonra o, oğlandan pul tələb etməyə başlayıb, şəkli onun bütün dost və tanışlarına göndərməklə hədələyib. Üç ay ərzində orta məktəb şagirdi göstərilən hesablara ümumilikdə 110 min rubldan (təxminən 1980 manat) çox pul köçürüb.

Hüquq-mühafizə orqanlarının əməkdaşları müəyyən ediblər ki, qızın adından gənc oğlanla yazışmalar 18 yaşlı Rjev sakini tərəfindən aparılıb. Şübhəli şəxs saxlanılıb, hədə-qorxu ilə tələb etmə maddəsi ilə cinayət işi açılıb.