Hörmətli İzləyicilər !

​44 günlük Vətən müharibəsində qazanılan Şanlı Qələbə Azərbaycanın şanlı tarixinə qızıl hərflərlə yazıldı. Bu Böyük Zəfər yalnız cəbhədəki rəşadətli ordu ilə deyil, arxa cəbhədə gecə-gündüz bilmədən çalışan, xalqına və dövlətinə ürəkdən bağlı olan insan fədakar el oğullarının zəhməti ilə qazanıldı. Sabirabad rayonunun Həşimxanlı kəndində fəaliyyət göstərən, el-oba arasında dərin hörmət və nüfuz qazanmış insan – diş həkim Məmməd Hüseynov da məhz belə dəyərli ziya sahiblərimizdəndir.

​Həşimxanlı kəndində öz vicdanlı işi və yüksək peşəkarlığı ilə tanınan Məmməd həkim, Vətən müharibəsi dövründə və Şanlı Qələbədən sonrakı günlərdə hər zaman xalqının yanında olub. Müharibə günlərində arxa cəbhənin möhkəm dayanması, insanlara mənəvi və tibbi dəstəyin göstərilməsi ən mühüm məsələlərdən biri idi. Məmməd Hüseynov da doğma kəndində və ətraf ərazilərdə insanlara yalnız tibbi xidmət göstərmədi, həm də Zəfərə olan inamı, milli birliyi öz xeyirxah əməlləri ilə yaşatdı.

​Zəfərimizdən sonra isə həkimlərimizin üzərinə daha şərəfli bir vəzifə düşdü: Vətən üçün canını ortaya qoyan qəhrəman qazilərimizə və şəhid ailələrinə qayğı göstərmək.

​Məmməd həkim Şanlı Qələbənin qürurunu öz gündəlik fəaliyyətində yaşadaraq, Vətən müharibəsi iştirakçılarına, qazilərə və şəhid ailələrinə xüsusi ehtiramla yanaşır, onlara hər zaman həssaslıqla xidmət edir. İnsana sağlamlığını və gülüşünü geri qaytarmaq fədakarlıq tələb edir; Məmməd Hüseynov üçün isə bu, sadəcə bir peşə borcu deyil, Zəfəri bizə bəxş edən qəhrəmanlara mənəvi bir təşəkkürdür.

​Bu gün Həşimxanlı kəndində Məmməd həkimin qəbulunda olan hər bir kəs onun işinə necə böyük məsuliyyətlə, təmənnasızlıqla və insanpərvərliklə yanaşdığının şahidi olur. Onun stomatoloji fəaliyyəti kəndin və rayonun sosial həyatında özünəməxsus iz qoyur, doğma torpağa və insanlara xidmətin gözəl nümunəsini yaradır.

​Şanlı Qələbəmiz xalqımızın sarsılmaz birliyinin təcəssümüdür. Sabirabadın Həşimxanlı kəndində fəaliyyət göstərən diş həkim Məmməd Hüseynov kimi fədakar zəhmət adamları öz gündəlik işləri ilə bu birliyi daha da möhkəmləndirir. Elinə, obasına və Vətəninə bağlı olan Məmməd həkimə şərəfli və məsuliyyətli fəaliyyətində yeni-yeni uğurlar, uzun ömür və möhkəm sağlamlıq arzulayırıq!