Azərbaycan ilə Litva arasında dostluq və əməkdaşlıq əlaqələri xoş ənənələrə malikdir.

 

APA-nın xəbərinə görə, bu barədə Azərbaycan Prezidenti İlham Əliyevin Litva Prezidenti Gitanas Nausedaya bu ölkənin milli bayramı münasibətilə ünvanladığı məktubda bildirilib.

 

“Bu il diplomatik münasibətlərin qurulmasının 30-cu ildönümünü qeyd edəcək Azərbaycan ilə Litva arasında dostluq və əməkdaşlıq əlaqələri xoş ənənələrə malikdir. İnanıram ki, xalqlarımızın mənafelərinə uyğun olaraq dövlətlərarası münasibətlərimizin möhkəmləndirilməsi və əməkdaşlığımızın genişləndirilməsi yolunda birgə səylərimizi bundan sonra da davam etdirəcəyik”, – deyə dövlət başçısı vurğulayıb.