Şanlı Qələbənin Bərpa Etdiyi Ədalət və Milli Qürur

​Azərbaycan xalqının çoxəsrlik tarixinin ən parlaq, ən şanlı səhifəsi olan 44 günlük Vətən müharibəsi yalnız torpaqlarımızın azad edilməsi ilə bitmədi, həm də hər birimizin qəlbində böyük bir milli qürur və başıucalıq hissi oyatdı. Müzəffər Ali Baş Komandanın rəhbərliyi və rəşadətli ordumuzun qəhrəmanlığı sayəsində otuz illik həsrətə son qoyuldu, tarixi ədalət bərpa olundu.

​İşğaldan azad edilmiş torpaqlarımızda bu gün yenidən həyat canlanır, yeni infra-struktur qurulur və səhiyyə sistemi də daxil olmaqla bütün sahələrdə böyük quruculuq işləri aparılır. Vətənin hər bir guşəsində olduğu kimi, İmişli rayon Aranlı kəndində də hər gün xalqımızın bu tarixi zəfərinə dərin hörmət və qürurla baxırıq. Bu qələbə bizə yalnız azad torpaqlar deyil, həm də gələcəyə, qurucluq işlərinə və xalqımıza daha əzmlə xidmət etməyə böyük ruh yüksəkliyi bəxş etdi.

​Bizə bu möhtəşəm Zəfəri bəxş edən şəhidlərimizin əziz xatirəsini dərin ehtiramla yad edir, qazilərimizə sağlamlıq arzulayırıq. Qarabağ Azərbaycandır!

​Müəllif: Stomatoloq Kərimov Azər Xeyrulla oğlu

(İmişli rayonu, Aranlı kəndi)