Qoşqar komandası növbəti oyununda Təbriz komandasını məğlub edərək növbəti uğurunu qazandı. Komanda meydanda intizamlı oyunu, mübarizəsi və yüksək əzmkarlığı ilə azarkeşlərin rəğbətini qazandı.

Baş məşqçi Aqil Əliyevin rəhbərliyi altında meydana çıxan Qoşqar komandası taktiki cəhətdən üstün oyun nümayiş etdirdi. Oyunboyu futbolçular həm müdafiədə etibarlı çıxış etdilər, həm də hücumda yaratdıqları təhlükəli epizodlarla qələbəyə layiq olduqlarını sübut etdilər.

Komandanın qələbəsində xüsusilə fərqlənən futbolçular Musa Qasımov, Məhəmməd Mirzəyev ,Yusif Mirzəzadə Əlizadə Məhəmməd Əli və qapıçı Nihat Abdullayev  oldular. Onların meydandakı fəallığı, əzmkarlığı və komandaya verdikləri töhfə qələbənin əsas amillərindən biri kimi qiymətləndirildi.

Baş məşqçi Aqil Əliyev oyundan sonra bildirib ki, bu qələbə bütün komandanın zəhmətinin nəticəsidir və futbolçuların meydanda göstərdiyi birlik, intizam və mübarizə ruhu təqdirəlayiqdir.

Qoşqar komandası bu nəticə ilə azarkeşlərinə növbəti sevinc bəxş etdi və qarşıdakı oyunlara yüksək əhval-ruhiyyə ilə hazırlaşır. Azarkeşlər komandanın gələcək qarşılaşmalarda da uğurlu çıxışını səbirsizliklə gözləyirlər.